Беларускамоўная кніга

Беларускі клясічны правапіс

Mikola — Sat, 18 Apr 2009 04:59:48 GMT

Фармат: pdf
Памер: 572 кб
Старонак: 46
Год: 2005

Збор правілаў. Сучасная нармалізацыя. Працоўная группа для ўнармаваньня клясычнага правапісу: Юрась Бушлякоў, Вінцук Вячорка, Зьміцер Санько, Зьміцер Саўка.
Гэтая праца - вынік шматгадовае дзейнасьці дзеля ўдасканаленьня збору правілаў беларускага клясічнага правапісу, першую кадыфікацыю якога зьдзейсьніў Браніслаў Тарашкевіч у межах "Беларускае граматыкі для школ".

Спампаваць

Канстытуцыя РБ 1994г.

Mikola — Sat, 18 Apr 2009 04:45:30 GMT

Фармат: doc
Памер: 20 кб
Год: 1994

Канстытуцыя Рэспублікі Беларусь, прынятая на трынаццатай сесіі Вярхоўнага Савета Рэспублікі Беларусь дванаццатага склікання 15 сакавіка 1994 года. Без зменаў, якія былі ўнесены пазней.

Спампаваць

Міра Лукша - Дзяўчынка і хмара

Mikola — Sun, 15 Mar 2009 09:15:32 GMT

Аўтар: Міра Лукша
Фармат: pdf
Памер: 2 Мб
Старонак: 111
Год: 2006
Спампаваць
У кніжцы сабраныя казкі "Дзяўчынка і хмара", "Аловак", "Баба-яга", "Балван", "Бяроза", Чужыя траскалкі", "Булачка", "Шпакова хатка", "Бульба", "У чаканні буслоў", "Хахол", "Хлус", "Хмарка", "Цвікі", "У ягадах", "Мураш", "Дуб", "Дзяврная ніша", "Кара", "Насценгазета", "Іголка ды Ягорка", "Імбрык, які хацеў гарбаты", "Закаханы дашкольнік", "Жоўтае качанятка", "Мяжа", "Камень", "Каменьчык", "Дзед і баба", "Бобік і канікулы", "Каштан", "Конікі", "Кніжка-вандроўніца", "Лялькі не старэюць", "Хлеб і нож", "Пан Ліст", "Каралеўскія матылі", "Мышка", "Лялька", "Нож", "Пампухі", "Кветка шчасця", "Рамонкі", "Самапіска", "Сінічка", "Скарб", "Скарынка", "Скубай ды кусай", "Сончык", "Старая студня", "Падсталовая школа", "Дамавік", "Трускалка-волат", "Вецер", "Зоркі", "Звяркі", "Сад", "Зімка", "Шар", "Аўто з планеты Макін", "Мурашка Параска", "Пчолка Ёлька", "Пецькава мара", "Пляшачка"

Спампаваць

Нацыяналізм у свеце. Даведнік. Часткі 1-2.

Mikola — Mon, 01 Dec 2008 22:17:24 GMT

Фармат: doc
Памер: 66 кБ
Старонак: 43

Спампаваць

Сымон Кандыбовіч - Разгром нацыянальнага руху ў Беларусі

Mikola — Mon, 01 Dec 2008 18:29:49 GMT

Аўтар: Сымон Кандыбовіч
Фармат: doc
Памер: 95 кБ
Старонак: 75
Год: 2001

Праца Сымона Кандыбовіча каштоўная тым, што гэта адна з першых спробаў даследавання гісторыі рэпрэсіяў супраць беларускай інтэлігенцыі ў 30-я гады. Асаблівую цікавасць маюць характарыстыкі і замалёўкі, напісаныя аўтарам як відавочцам тых падзей.
Для публікацыі тэкст быў перакладзены з расейскай на беларускую мову (пераклад Ларысы Дарожкі) і забяспечаны анатаваным паказнікам асобаў, падрыхтаваным Наталляй Мазоўкай і Віталём Скалабанам (у пошуку інфармацыі істотна дапамаглі Аляксандра Гесь і Яўгенія Фалей)

Спампаваць

Сяргей Ёрш - Усевалад Родзька. Правадыр беларускіх нацыяналістаў

Mikola — Mon, 01 Dec 2008 16:55:16 GMT

Аўтар: Сяргей Ёрш
Фармат: doc
Памер: 26 кБ
Старонак: 18
Год: 2001

Гэтая брашура прысвечана асобе правадыра Беларускай Незалежніцкай Партыі, маёру Беларускай Краёвай Абароны і кіраўніку Беларускай Вайсковай Арганізацыі Ўсеваладу Родзьку. Ён жыў і змагаўся для Беларусі. Ён вызначаўся бязмежным патрыятызмам і выдатнымі здольнасцямі. Гэта ён запальваў у сэрцах беларускай моладзі змагарскі агонь ды далучаў яе да барацьбы за незалежнасць краіны.
Калісці прыйдзе час, калі памяць Усевалада Родзькі, як і тысяч іншых беларускіх нацыяналістаў, што аддалі свае жыцьці ў барацьбе за Беларускую Незалежную Нацыянальную Дзяржаву, будзе адпаведна ўшанавана. Пакуль жа памяць пра іх і іх геройства захоўваецца ў нашых сэрцах, кліча нас да барацьбы і перамогі.

Спампаваць

Сяргей Ёрш - Беларуская партызанка

Mikola — Mon, 01 Dec 2008 16:38:16 GMT

Аўтар: Сяргей Ёрш
Фармат: doc
Памер: 34 кБ
Старонак: 19
Год: 1995-1998

Увесь час камуністычнага панавання любыя згадкі пра беларускі нацыянальны партызанскі рух у гады нямецкай акупацыі 1941-44 гг. былі забаронены. Больш таго, рабілася ўсё магчымае, каб знішчыць або надзейна прыхаваць дакумэнты, якія сведчылі б пра дзейнасць беларускіх партызанаў, каб прымусіць замаўчаць (многіх — назаўсёды) жывых сведкаў. Камуністычная ўлада прапагандавала толькі савецкі партызанскі рух, які пачала называць “беларускім”. Сапраўдным жа беларускім партызанам не было месца ў афіцыйнай гісторыі...

Спампаваць

Беларускі нацыяналізм. Даведнік

Mikola — Mon, 01 Dec 2008 16:15:50 GMT

Фармат: doc
Памер: 36 кБ
Старонак: 34
Год: 2001

Беларускі нацыяналізм - гэта вызвольны, аб'яднаўчы грамадзка-палітычны рух, які на аснове яднання ў суцэльны фронт усіх паборнікаў дзяржаўнай самастойнасці мабілізуе найшырэйшыя народныя масы да барацьбы за волю народа і чалавека, за нацыянальную, палітычную ды сацыяльную справядлівасць, за аднаўленне на беларускіх этнічных землях Беларускай Незалежнай Нацыянальнай Дзяржавы - адзінага гаранта існавання і працвітання нацыі.

Спампаваць

Жук-Грышкевіч - 25-га Сакавіка. Успаміны з Менску, Будслава, Вільні, Прагі, савецкай турмы

Mikola — Sat, 29 Nov 2008 11:03:32 GMT

Аўтар: Вінцент Жук-Грышкевіч
Фармат: doc
Памер: 30 кБ
Старонак: 21

Гэтыя пяць абразкоў успамінаў - адзін з Першага Ўсебеларускага Кангрэсу і чатыры з святкавання 25-га Сакавіка ў розных часах, розных месцах і абставінах - прысвячаюцца двум шэсцьдзесяцігадовым юбілеям: Першага Ўсебеларускага Кангрэсу і абвешчання незалежнасці Беларускай Народнай Рэспублікі.
Успаміны пра 25-га Сакавіка друкаваліся ў 1953 годзе ў Таронта, у газеце «Беларускі Эмігрант». У гэтым выданні зроблены папраўкі і малыя змены.
Да пяцёх абразкоў успамінаў падаю дадаткі: сваю брашурку «БНР ці БССР» і тры Ўстаўныя Граматы Рады БНР, якія пазволіў сабе перадрукаваць з «Запісаў» БІНІМу No.13, 1975 г., каб папулярызаваць веду пра Беларускую Народную Рэспубліку і асновы ейнай канстытуцыі.

Спампаваць

Алег Дзярновіч - Нонканфармізм у Беларусі: 1953–1985. Даведнік.

Mikola — Fri, 28 Nov 2008 21:10:48 GMT

Аўтар: Алег Дзярновіч
Фармат: doc
Памер: 88 кБ
Старонак: 110

Гэта кніга не з’яўляецца скразным даведнікам па гісторыі БССР. Нашае выданне мае больш лакальныя і тэматычна вызначаныя мэты – а менавіта выклад базавай інфармацыі па гісторыі нонканфармізму ў Беларусі ў другой палове ХХ ст., а таксама дае ўяўленне пра палітру грамадскай думкі краіны. Храналагічныя рамкі даведніка даволі выразныя: 1953—1985 гады. Сама гэта эпоха не аднародная і змяшчае ў сабе перыяд пераходу ад эпохі сталінскага рыгарызму, так званыя “адлігу” і “застой”.

Спампаваць

Вацлаў Ластоўскі - Што трэба ведаць кожнаму беларусу

Mikola — Sun, 23 Nov 2008 08:09:24 GMT

Аўтар: Вацлаў Ластоўскі
Фармат: doc
Памер: 22 кБ
Старонак: 19

Кажны сучасны культурны чалавек перш-наперш павінен ведаць, хто ён такі, якая ягоная мова, народ і край, дзе ён жыве, якая ягоная гісторыя.

У гэтай кнізе Вацлаў Ластоўскі - беларускі пісьменьнік, гісторык, літаратуразнавец, публіцыст і палітычны дзеяч, адзін з пачынальнікаў нацыянальнага адраджэньня - распавядае пра сябе і свой народ, пра беларускую зямлю, пра сваю мову, пра гісторыю Беларусі, пра веру беларуса, пра Бацькаўшчыну, пра нацыянальныя адзнакі беларуса, пра патрыятычныя павіннасці, пра беларускую сям'ю, пра беларусаў на чужыне, пра нашую годнасьць.

Спампаваць

Зміцер Вішнёў. Галіяфы, раман і шпіталі

Mikola — Sun, 23 Nov 2008 07:31:34 GMT

1. Пра набалелае ўсур’ёз: Энтузіязм. Галіяфы. Ізраіль

Выжываць прыватнаму выдавецтву ў беларускіх умовах цяжка. Але неяк спрабуем змагацца з праблемамі. Не хочацца раскрываць ўсю творчую кухню «Галіяфаў». Гэта будзе нудна і нецікава для абывацеля. Скажу, што аўтараў, якія атабарыліся на сённяшні дзень вакол нашых праектаў прыкладна каля ста. Толькі на дадзены момант у распрацоўцы каля пяцідзесяці праектаў. Галоўная праблема банальная — недахоп грошаў. Пад кожнае выданне мы шукаем свае крыніцы. Ёсць кнігі, якія выходзяць за кошт аўтара, ёсць — за наш, часам мы скідваемся на выданне разам з аўтарам. Кожны праект — гэта свая песня. Распаўсюд кніжак па Беларусі паступова адладжваем. Спадзяюся, што с цягам часу нашыя справы будуць паляпшацца. Прынамсі літаратура, якую мы выдаем, запатрабаваная. Пастаянна тэлефануюць, пішуць — людзі пытаюцца пра нашыя кніжныя навінкі. На жаль, сайт: http://www.gоliafy.com пакуль працуе ў запаволеным рэжыме. Мяркуецца, што ў бліжэйшы час з’явіцца мадэратар і тады там можна будзе аператыўна адшукаць розную інфармацыю пра культурныя падзеі на Беларусі і ў свеце. Ну, і натуральна ўсё што звязанае з выдавецтвам «Галіяфы».

Цяпер у выдавецтве падводзім вынікі конкурса імя Паўлюка Шукайлы (вызначаюцца пераможцы па некалькіх намінацыях) — рукапісамі проста заваленыя! Хапае на Беларусі талентаў! І ўжо толькі гэтае кажа пра тое, што беларускую літаратуру і мову ў бліжэйшы час смерць не напаткае. Самае лепшае абавязкова выдадзім!

Маем цікавыя прапановы аб супрацоўніцтве ад польскіх і нямецкіх выдавецтваў. Увесну плануем правесці міжнародны літаратурны фестываль. Спадзяюся, што аўтары прыедуць з Нямеччыны, Швейцарыі, Чэхіі, Польшчы, Украіны, Расеі, Вугоршчыны…

Ну, што я магу сказаць? Акрамя добра вядомай кніжнай серыі «Другі фронт мастацтваў», якой я з сябрамі займаюся восем гадоў, мы запускаем некалькі новых. Пералічу некаторыя. Так, нядаўна выйшаў каталог рэпрадукцыяў мастака Алеся Родзіна ў серыі «Адсутнае беларускае мастацтва». Неўзабаве пабачаць свет дзве кнігі С. Мінскевіча і А. Бычкоўскага ў серыі «Калекцыя беларускай фантастыкі». Рыхтуецца серыя «Партрэты польскай літаратуры»(куратар Інэса Кур’ян). Для дзяцей — «Сланечнікі». Рыхтуецца разам с ізраільскім перакладчыкам і празаікам Барысам Герусам серыя ізраільскай літаратуры. З перакладчыцай Ірынай Герасімовіч распрацаўваем серыю нямецкай літаратуры «Германіка»…

2. Пра набалелае: Выступы. Раман. Анталогіі

Восень для мяне выдалася шалёнай. Многа выступаў. Браў удзел у двух міжнародных фестывалях на Украіне і Польшчы. Акрамя таго з прозай і паэзіяй выступаў ў самых розных клубах Кракава, чытаў лекцыю для студэнтаў Ягелонскага універсітэта. 25 лістапада выступаю ў Берліне ў «Кафэ Бургер», 27 лістапада — у Дрэздэне ў Літаратурным бюро Музея Эрыха Кестнэра. Потым нарэшце дахаты — у Менск.

Дапрацоўваю шматпакутны раман «Замак пабудаваны з крапівы». Ён ужо ёсць, але хочацца дашліфаваць пэўныя моманты. Удакладніць тое-сёе. Пэўныя кавалкі з яго ўжо былі прадстаўленыя на суд чэшскай, польскай і нямецкай публікі. Спадзяюся, што беларускі чытач зможа азнаёміцца з ім у наступным годзе.

Акрамя таго, цяпер даводзіцца займацца ажно двума анталогіямі. Курырую беларуска-нямецкую — з умоўнай назвай «Варштаты» і каардыную беларускі блок у беларуска-украінска-польскай анталогіі, што перакладаецца на іўрыт. Што датычыцца апошняй — гэта будзе унікальнае выданне! Пэўна, ўпершыню гэтак шырока будуць прадстаўленыя беларускія аўтары на іўрыце! Кніга выйдзе ў Тэль-Авіве.

3. Пра набалелалае: Жарты скрозь трансфармацыю ў жука

Выдавецкай дзейнасцю я займаюся ўсё жыццё. З нядаўняга часу разам з паэтам Міхасём Башурам робім «Галіяфы». І вось, зрэдку сядзіш так і думаеш, можа варта з гэтым завязваць? Анічога добра з гэтага не вынікае. Для ўласнай творчасці часу катастрафічна не стае… І па-першае, і па-другое, і па-пятае… А потым падумаеш-падумаеш і працягваеш займацца. Пэўна, мы — фанатакі беларускай культуры…

Якія былі першыя плёткі пра нашае выдавецтва? Толькі ўтварылі «Галіяфы», як ядразу распачаліся размовы, што ўсе аўтары серыі «Другі фронт мастацтваў» пераходзяць на новы від вопраткі — галіфэ. Потым другая тэма для размовы, што ўсе супрацоўнікі выдавецтва — габрэі. Бо чамусьці нашых жукоў «Галіяфаў» часцей за ўсё ўспрымаюць у ракурсе міфалогіі. Да прыкладу, неяк сустрэў на вуліцы крытыка Міхася Тычыну, той увогуле адмахнуўся ад мяне як ад каларадскага жука, маўляў, што можна чакаць ад Давіда і Галіяфа? Потым зрэдку жукоў Галіяфаў блытаюць з найбуйнейшай у свеце жабай! Але аматарка жабак паэтка Аксана Спрынчан вельмі цешылася з гэтай нагоды. Ну і потым не так даўно ў нас вышлі дзве кнігі, якія спрычыніліся да новых плётак. На вокладцы рамана «Бег» Аляксея Талстова — поўзаюць каладзкія жукі… А кніга паэзіі Аляксея Чубата правакуе назвай — «Гліняны чалавек». Адразу думаеш пра згаданую вышэй міфалогію… Раздумваеш пра Галіяфа і Давіда. Мы — жукі-правакатары!

4. Пра набалелае: Мне нудзіць

Мне асабіста надакучыла вычытваць пасажы ў прэсе пра тое, што беларуская літаратура загінаецца. Нясцерпна хочацца пляваць за падобныя выказванні ў твар. Надакучыла. Гэтая песня сёння ўжо не актуальная. Як і не актуальная песня пра смерць беларускай мовы. Ды не ўсё так кепска! І тлумачыць нешта апалагетам гэтай фантазіі мне нудзіць.

5. Пра набалелае: Адзін з варыянтаў творчага выжывання. Магчымыя жарты рэчаіснасці

Як вылячыцца ад фантазёраў-песімістаў? Як палепшыць культурную сітуацыю? Паразважаем.

Я вось думаю, што можна было б рабіць турыстычныя маршруты па беларускіх шпіталях. Пэўна, будзе вельмі рамантычна і запамінальна. Мастак Артур Клінаў мае вялікі досвед па распрацоўцы партызанскіх культурніцкіх маршрутаў. Ня так даўно ён стварыў «Малую падарожную кнігу па Горадзе Сонца». Магчыма, варта папрасіць маэстра, каб ён зрабіў ласку і прысвяціў свой новы бэстселер актуальнай шпітальнай тэматыцы? Файна было б мець на паліцы «Турыстычную мапу беларускіх шпіталяў Горада Сонца»! А ў якасьці першых турыстаў ў такія вандроўкі трэба выпраўляць беларускіх чыноўнікаў. І каб агляд быў запамінальным і займальным, варта гэтых пачэсных наведнікаў прымаць з ўсімі адпаведнымі атрыбутамі: піжама, халат, тэпці, каша мясцовага гатунку, працэдурныя кабінеты…

А пакуль у такія небяспечныя турыстычныя вандроўкі выпраўляюцца нашыя мілыя дзяўчаты. Ну як тут не згадаць пра фемінізм? Вось нядаўна ў прыватных інтэрнэт-дзённіках паначытаўся шпітальных прыгодаў пісьменніц Марыйкі Мартысевіч і Інэсы Кур’ян, і падумалася, што варта адзін з нумароў часопіса «Тэксты» прысвяціць гэтай актуальнай тэме. Шпіталь — гэта нешта сакральнае і яшчэ слаба даследванае. І рабіць такія даследванні, вядома, хочацца не на ўласным досведзе!.. Але што паробіш — часам даводзіцца… Гэта як у самалёце: ёсць першы клас — ёсць другі. Я вось думаю, няхай нашыя верныя сябры чыноўнікі браніруюць першы клас і адпаведна першымі… Бо яны любяць кафорт!.. Турыстычныя сцяжынкі для іх пратораныя творчымі асобамі. Мо гэта паўплывае і на культурны стан нашай краіны? Магчыма і беларуская літаратура памацнее? Га?